مابي الجنة يا ربي ... خلني في الدنيا إذا أمكن ...
03/11/2008
عتاوية من غير فريج
أكره شي بالدنيا
انك انت ينكسر خاطرك على نفسك
كثير كان ينكسر خاطري على حالي
واحس اني مثل الفقيرة اللي شفتها مرة بإيران
كانت ماسكة قزازة خمرة بإيدها وتقول مسكينة فقيرة
الشنط ياي
والعباية واو
والعطر اسم الله .. اسم الله
وماشية ويا أرض اتهدي
وكثير أحيان أبات الليل وأنا أقول يا رب ارزقني
ارزقني يارب
على بابك ولا خاب طلابك يا ربي
ارزقني يارب
أمة من امائك واستجارت بإسمك يا رحيم
يا كريم ارحم عبدك اللئيم
راحة البال يا ربي
يا ترى ممكن تحن علي يارب وترجعلي راحة بالي
فقيرة على بابك يا ربي
على باب البيوت تطلب الناس فلوس
وأنا وغيري نعطيها
ونفكر سوينا شي عظيم
وبس نموت أكيد لزما راح نروح الجنة
بس ما يدري اللي طلب منا
إن اللي عطاه ريال
أفقر منه بكثير بكثير بكثير
رحمتك يا رب
راحة البال
ياترى لو عطيت الفقير مليون ريال
بروح الجنة
هاجس الجنة ذبحنا
هذا حلال وهذا حرام
هذا يسمع أغاني يروح النار
وهذا مطول لحيته يروح الجنة
وفلان زوج بنته لولد اخته المريض على فراش الموت
يا عظم الثواب
وفلانة راحت سافرت كم يوم
بتروح جهنم سافرت من غير محرم (الله لا يردها)
هذا سني يروح الجنة لالالا يروح النار
هذا شيعي يروح النار لالالا يروح الجنة
كل اللي احنا معاه صح وبيروح الجنة
وكل اللي ما يشبهنا غلط وبيروح النار
وصارت الجنة والنار اللي ما نعرف إلا اسمهم
هاجس و وسواس
واحنا حتى آية من القرآن ما نحفظ عن الجنة وعن النار
راحة البال يا رب
مابي جنة ولا نار
أعتقد إن الدنيا جميلة
و مرات تكون جذابة ومغرية
إن نعيش فيها للأبد
حيث فيها رحمتك يا ربي
ونار وجنة تبيع فيها الناس وتشتري مابيها ...
أحمدك يا ربي كل الحمد
وصدق من قال (رحمتك يا رب لا من ضاقت امنحني وساع)
تهاني
ليست هناك تعليقات:
إرسال تعليق